పెళ్లికి నిరాకరించిందని...వివాహితపై వృద్ధుడు కత్తితో దాడి

పెళ్లికి నిరాకరించిందన్న కోపంతో ఒక వృద్ధుడు మహిళపై కత్తితో దాడి చేసిన సంఘటన తూర్పు గోదావరి జిల్లా కాట్రేనికోన మండలం చెయ్యేరులో గురువారం చోటు చేసుకుంది. చెయ్యేరు అగ్రహారానికి చెందిన దార్ల శ్రీరాములు (60) భార్య కొన్నేళ్ల క్రితం చనిపోయింది. అప్పట్నుంచీ అతడు ఒంటరిగా జీవిస్తున్నాడు. అదే గ్రామానికి చెందిన మడికి శ్రీదేవి (30) రెండేళ్ల క్రితం భర్తను కోల్పోయి ఇద్దరి పిల్లలతో జీవిస్తోంది. తనను పెళ్లిచేసుకోవాలని శ్రీదేవిని శ్రీరాములు వేధించసాగాడు.