'గ్వాంటెనామో' మూసివేత యోచన విరమణ

క్యూబాలోని గ్వాంటెనామో తీరంలోని జైలును మూసివేయాలనే యత్నాలను ఒబామా ప్రభుత్వం మానుకొంది. నిందితులుగా ఉన్న ఉగ్రవాదులను అమెరికా కోర్టుల్లో విచారించాలనే అధ్యక్షుని పథకాన్ని కాంగ్రెస్‌ అడ్డుకోవడంతో కొత్తగా విచారణలు ప్రారంభించనున్నారు. కొత్త సైనిక ట్రిబ్యునళ్ళను ప్రారంభించడాన్ని నిలిపివేస్తూ రెండేళ్ళ క్రితం ఒబామా పదవీ స్వీకారం సందర్భంగా విధించిన ఉత్తర్వును రక్షణ మంత్రి రాబర్ట్‌ గేట్స్‌ త్వరలో ఎత్తివేయనున్నారని భావిస్తున్నట్లు న్యూయార్క్‌ టైమ్స్‌ పత్రిక వివరించింది. 30 మందికి పైగా ఖైదీలకు వ్యతిరేకంగా నూతన అభియోగాలు మోపేందుకు కొద్ది వారాల్లోనే విచారణ ప్రారంభమవుతుందని భావిస్తున్నారు...........