నేను స్ట్రాంగే...

'చివరికి జుట్టు పోయింది ! అయినా స్ట్రాంగ్‌గా ఉంటున్నా, యువీస్‌ స్ట్రాంగ్‌' అని యువరాజ్‌ సింగ్‌ ఫొటోతో పాటు ఒక సందేశాన్ని సోషల్‌ నెట్‌వర్కింగ్‌ సైట్‌ ట్విట్టర్‌లో శుక్రవారం రాశాడు. గత నెలరోజులుగా యువీ అమెరికాలో బోస్టన్‌లో క్యాన్సర్‌ రిసెర్చ్‌ ఇన్‌స్టిట్యూట్‌లో కీమోథెరపీ చికిత్స తీసుకుంటున్న సంగతి తెలిసిందే. యువీ ఊపిరితిత్తుల క్యాన్సర్‌ (లంగ్‌ క్యాన్సర్‌)తో బాధపడుతున్నాడు. కేన్సర్‌పై గెలిచి ఏడు సార్లు టూర్‌డిఫ్రాన్స్‌ విజేతగా నిలిచిన లాన్‌ ఆర్మ్‌స్ట్రాంగ్‌ను స్ఫూర్తిగా తీసుకోని యువీ కూడా కేన్సర్‌తో పోరాటం చేస్తున్నాడు. చివరికి యువీనే విజయం సాధించాలని శ్రేయోభిలాషులు, అభిమానులు, దేశం మొత్తం కోరుకుంటోంది.