పాట రాయడం కన్నా... రాసింది ఓకే అనిపించుకోవడమే కష్టం..!

పాటల రచయిత భాస్కరభట్ల రవికుమార్‌ చెప్పిన పలు ఆసక్తికర అంశాలను గతవారం తెలుసుకున్నాం. సినీ పరిశ్రమకు, ప్రేక్షకులకు, తనకు వారధిలా వున్న పాటల గురించి ఆయన ఈవారం మరిన్ని విశేషాలు తెలిపారు. అసలు పాట రాయడం కన్నా...రాసింది ఓకే అనిపించుకోవడమే కష్టమని ఆయన ఎందుకన్నారో ఏంటో తెలుసుకుందాం.

ఇవాళ పాట రాయడంలో కష్టం ఏమీ లేదు. కానీ, రాసిన పాటకు పచ్చజెండా ఊపించుకోవడమే అసలు కష్టంగా మారింది. కొంత కాలం నిర్మాతలు, మరికొంత కాలం దర్శకులు, ఇంకొంత కాలం సంగీత దర్శకులు, ఇప్పుడేమో సోకాల్డ్‌ పెద్ద హీరోలు పాటను శాసిస్తున్నారు. ఏ పాట ఎలా కావాలో వాళ్ళు నిర్ణయిస్తున్నారు. ఇవాళ పాట అలా చేతులు మారుతోంది. చివరకు పాట ఏ రూపంలో, ఎలా సినిమాలో బయటకు వస్తుందనేది తిరుమలలో వెంకటేశ్వర స్వామి దర్శనం ఎలా అవుతుందన్నంత కష్టంగా తయారైంది. కానీ, పూరీ జగన్నాథ్‌, రవిబాబు లాంటి కొందరు దర్శకులు మాత్రం ఇవాళ్టికీ తమ చిత్రాల్లోని పాటలకు తామే నిర్దేశకులు. వాళ్ళ ప్రోద్బలం, ప్రోత్సాహం వల్లే నేను ధైర్యంగా అనుకున్నది రాయగలుగుతున్నా......................