మనసు మార్చుకున్న భార్యాభర్తలు

• ఐద్వా అదాలత్‌

కొత్తగా రెక్కలు తొడిగిన సీతాకోక చిలుకకు హద్దులే ఉండవు. ఈ ప్రపంచమంతా తనదే అనుకుంటుంది. తోటలోనైనా, అడవిలోనైనా స్వేచ్ఛగా విహరిస్తూనే ఉంటుంది. ఆ సీతాకోక చిలుకలాంటిదే ఈ అనిత కూడా. యవ్వనంలోకి అడుగిడిన ఒక అడవి మల్లె. ఆదిలాబాద్‌ జిల్లాలోని తలమడుగు మండలంలోని ఓ చిన్న పల్లెలో అన్నదమ్ముళ్ల మధ్య అనిత అల్లారుముద్దుగా పెరిగింది. ఆమె ఓ గిరిజన గోండు యువతి. ప్రేమాప్యాయతలకు లోటులేకుండా పెరిగిన తరుణి. అందరిలాగే ఆటపాటలతో ఆమె జీవితం చక్కగా సాగుతోంది.